2020 жылдың  20 қарашасында Орал қаласының білім беру бөлімінің мектептен тыс жұмыс орталығында «Өзіңнен баста!» жасөспірімдердің бос уақытын ұйымдастыру жобасы аясында  «Бәрі балалар үшін!» қалалық семинар-тренингі өткізілді. Семинар жұмысы барлық қатысушылар үшін «Сәлеметсіздер ме, достар!» психологиялық тренингімен басталып,  семинардың жұмыс жоспары бойынша көрсетілген «Спорт – денсаулық кепілі»» (жеңіл атлетикадан), «Қолөнер өнерінің қыр-сыры»  (қолданбалы сәндік өнерден), «Тоғызқұмалақ – алғырлар ойыны» (тоғызқұмалақ ойынынан) шеберлік сыныптары қатысушылардың қызығушылықтарын тудыра отырып, болашақта бос уақыттарын тиімді ұйымдастыруға, ұнатқан істерімен айналысуға өз көмегін тигізуі үшін Орталықтың қосымша білім беру педагогтарымен ұйымдастырылған болатын.      
«Отбасы – бақыт бастауы» ата-аналар мен балаларға арналған психологиялық тренингте қатысушыларды әлеуметтік жауапкершілікке үйрету, оларды ортаға бейімдеу  мақсатында жүргізілген жұмыстар тапсырмаларын балалар белсенділікпен орындады.